BAKI, AzerVoice, Nailə Babazadə
Suriya Xarici İşlər Naziri Əsəd Həsən Şeybani Ankarada Türkiyənin Xarici İşlər Naziri Hakan Fidanla birgə keçirdiyi mətbuat konfransında İsrailin regiondakı fəaliyyətlərini sərt tənqid edib.
AzerVoice xəbər verir ki,nazir Şeybani bildirib ki, əvvəlki illərdə olduğu kimi, İsrailin təkrarlanan təhdidləri bu gün də Suriyanın suverenliyini hədəf alır və vətəndaşların təhlükəsizliyini ciddi risk altına salır.
Suriya rəsmisi həmçinin qeyd edib ki, bütün çətinliklərə baxmayaraq, ölkə daxilində işlər balanslı və praktik şəkildə davam etdirilir.
Dürzilərlə bağlı yayılan iddialara da toxunan Şeybani deyib: “Dürzilər Suriya cəmiyyətinin ayrılmaz bir hissəsidir və onları cəmiyyətdən kənarlaşdırmaq kimi bir niyyətimiz yoxdur. Bu iddiaları gündəmə gətirən tərəf İsraildir.”
