Səudiyyə Ərəbistanı Suriyanın paytaxtında viza müraciəti mərkəzi açıb
Səudiyyə Ərəbistanı Suriya ilə iqtisadi əlaqələri dərinləşdirmək məqsədilə Dəməşqdə yükdaşımaları və sərnişin daşınması da daxil olmaqla müraciətləri qəbul edən viza xidməti mərkəzinin açılışını həyata keçirib. Mərkəz iqtisadi əlaqələri gücləndirmək və ağır iqtisadi çətinliklər fonunda Suriyanın bərpasını dəstəkləmək istiqamətindəki birgə səylərin tərkib hissəsi kimi yaradılıb.
Dəməşq tələb edir - Moskvanın isə Əsədi təhvil verməmək üçün hüquqi bəhanələri var
Hərbi bazalarla bağlı danışıqlar təxminən 18 ay çəkdi və Suriyanın suverenliyini təmin edən, eyni zamanda Rusiyanın nüfuzuna ciddi xələl gətirməyən bir nəticə ilə yekunlaşdı. Lakin Suriya hökuməti Əsədin təhvil verilməsi üçün Moskvaya rəsmi müraciət edəcəyi təqdirdə, bu məsələ hüquqi, siyasi, geosiyasi və iqtisadi maraqların, həmçinin hər iki tərəf üçün yüksək rəmzi dəyər daşıyan amillərin toqquşduğu olduqca çətin və mürəkkəb danışıqlar prosesi tələb edəcək.
Suriya Avropanı Asiya və Körfəzə bağlayan alternativ ana damardır - Suriya Prezidenti
Suriya Prezidenti Əhməd Əş-Şəraa, “Dörd Dəniz və Doqquz Koridor” təşəbbüsü ilə Suriyanın Orta Asiya və Körfəz regionunu Avropanın mərkəzinə bağlayan təhlükəsiz və alternativ bir marşrut olduğunu vurğulayıb. Kiprin paytaxtı Nikosiyada keçirilən Avropa İttifaqı və Regional Tərəfdaşların Toplantısında çıxış edən Prezident Əş-Şəraa bildirib ki, bu görüş ənənəvi əməkdaşlıq çərçivələrini aşan yeni bir geosiyasi reallığı təsdiqləyir və strateji yetkinlik anını təmsil edir.
Suriyada qızıl və valyuta ticarəti rəqəmsallaşır
Suriya Mərkəzi Bankı Dəməşqdə valyuta və qızıl əməliyyatlarını tək dam altında toplayacaq elektron bazarın yaradıldığını elan edib. Bank bu addımın maliyyə şəffaflığını artırmaq və bazardakı qeyri-sabitliyi azaltmaq məqsədi daşıdığını bildirib. Suriya Mərkəzi Bankı pul siyasətinin inkişaf etdirilməsi və maliyyə sabitliyinin gücləndirilməsi çərçivəsində Şam Valyuta və Qızıl Bazarının fəaliyyətə başladığını açıqlayıb. Sözügedən addımın 2025-ci il tarixli 189 saylı Nazirlər Kabineti Qərarı çərçivəsində həyata keçirilən genişmiqyaslı strategiyanın ikinci mərhələsini təşkil etdiyi qeyd olunub.
Suriya Prezidenti Əhməd əl Şara Səudiyyə Ərəbistanına rəsmi səfər edib
Suriya Prezidenti Əhməd Əş-Şəraa rəsmi səfər çərçivəsində Səudiyyə Ərəbistanına gəlib. Suriya liderini Ciddə şəhərindəki Kral Əbdüləziz Beynəlxalq Hava Limanında Məkkə bölgəsinin vitse qubernatoru şahzadə Səud bin Mişal bin Əbdüləziz qarşılayıb. Səfər proqramı çərçivəsində Əhməd Əş-Şəraanın Səudiyyə Ərəbistanının vəliəhd şahzadəsi və Baş naziri Məhəmməd bin Salman ilə görüşü planlaşdırılır. Suriyanın rəsmi xəbər agentliyi SANA tərəfindən yayılan məlumata görə tərəflər ikitərəfli münasibətlərin möhkəmləndirilməsi və ortaq maraq kəsb edən regional məsələlər ətrafında geniş fikir mübadiləsi aparacaqlar.
Suriya və İraq arasında strateji keçid məntəqəsi fəaliyyətini bərpa edib
Suriya Ümumi Sərhəd Keçid Məntəqələri və Gömrük İdarəsinin bəyanatına əsasən, Yarubiyə-Rabiə sərhəd-keçid məntəqəsinin rəsmi açılış mərasimi keçirilib. Tədbirdə Suriya tərəfindən Gömrük İdarəsinin rəhbəri Kuteybə Bədəvi, Prezident Administrasiyasının nümayəndəsi general Ziyad əl-Ayiş və digər rəsmi şəxslər, İraq tərəfindən isə Sərhəd Keçid Məntəqələri Qurumunun rəhbəri Ömər əl-Vailinin başçılıq etdiyi nümayəndə heyəti iştirak edib.
Suriya məhsullarının Avropa bazarına rüsumsuz girişi yenidən təmin olunur
Avropa Birliyi Komissiyası 2011-ci ildən bəri askıda olan tarixi əməkdaşlıq müqaviləsinin bərpası üçün hərəkətə keçib. Komissiyanın sədri Ursula fon der Leyenin 2026-cı ilin yanvar ayında elan etdiyi yeni strateji çərçivəyə əsaslanan bu təklif Suriyanın iqtisadi dirçəlişinə və regiondakı sülh prosesinə dəstək verməyi hədəfləyir. Yeni yanaşma çərçivəsində Avropa Birliyi Suriyada inklüziv keçid dövrünün təşviqi və humanitar ehtiyacların qarşılanması istiqamətindəki səylərini daha da artıracaq.
İsrail hərbi qüvvələri Suriyanın Qüneytra vilayətinə daxil olaraq bir nəfəri saxlayıblar
İsrail hərbi qüvvələri Qüneytra vilayətinin mərkəzi hissəsində yerləşən Ruvayhinə kəndinə daxil olaraq bir Suriya vətəndaşını saxlayıblar. Suriya Ərəb Xəbər Agentliyinin (SANA) məlumatına görə, bazar günü axşam saatlarında iki "Humvee" tipli zirehli maşınla kəndə daxil olan İsrail hərbçiləri həmin şəxsi yaxınlıqdakı hərbi mövqelərə aparıblar.
Suriya iqtisadiyyatının 2026-cı ildə 10 faizdən çox böyüməsi gözlənilir
Suriyanın Maliyyə naziri Məhəmməd Yusr Berniyyə ölkə iqtisadiyyatının uzunmüddətli böhrandan sonra rəsmən bərpa və yenidənqurma mərhələsinə qədəm qoyduğunu elan edib. Nazirliyin binasında təşkil edilən mətbuat konfransında çıxış edən Berniyyə, 2026-cı ildə iqtisadi artımın 10 faizdən çox olacağını gözlədiklərini bildirib.
Suriyanın Süveyda əyalətində əsir mübadiləsi həyata keçirilib
Suriyanın cənubundakı Süveyda əyalətində Suriya hökuməti ilə Hikmət əl-Həcriyə bağlı qeyri-qanuni silahlı qruplaşmalar arasında əsir mübadiləsi baş tutub. Suriya Qızıl Aypara Cəmiyyəti və Beynəlxalq Qırmızı Xaç Komitəsinin müşayiəti ilə reallaşan proses çərçivəsində tərəflər saxlanılan şəxsləri qarşılıqlı olaraq sərbəst buraxıblar. Məlumata görə, mübadilə zamanı Suriya hökuməti 61 nəfəri azad edib. Bunun müqabilində isə İsrail tərəfindən dəstəklənən dürzi lider Hikmət əl-Həcriyə tabe olan qruplaşmalar əvvəllər girov götürdükləri 25 nəfəri təhvil veriblər. Azad edilən şəxslərin sağlamlıq vəziyyətini yoxlamaq məqsədilə mülki müdafiə qrupları Süveydanın şimalındakı Almutanah keçid məntəqəsində hazır vəziyyətdə gözləyiblər.
Türkiyə Suriyanın ərazi bütövlüyü və suverenliyinin qorunmasına dəstək verəcək - Duran
Türkiyə Prezident Administrasiyasının Kommunikasiya İdarəsinin rəhbəri Burhanəddin Duran Ankarada keçirilən "Media perspektivindən münaqişə bölgələrində Türkiyənin sülh rolu" panelində mühüm bəyanatlarla çıxış edib. Duran Türkiyənin Suriya xalqının haqlı mübarizəsində hər zaman onların yanında olacağını və bölgədə sabitliyin bərpası üçün səylərini davam etdirəcəyini vurğulayıb.
Suriyada mina partlayışı: jurnalist də daxil olmaqla 3 nəfər yaralandı
Suriyanın Lazkiyə vilayətinin kənd ərazisində mina təmizləmə işləri zamanı partlayış baş verib, nəticədə 3 nəfər yaralanıb. Məlumata görə, hadisə Suriya ordusunun ərazidə apardığı mina zərərsizləşdirmə əməliyyatı zamanı qeydə alınıb. Yaralananlar arasında Anadolu Agentliyinin sərbəst müxbiri Şevket Akça, Suriya rəsmi agentliyi SANA-nın müxbiri Hasan Haşim və bir hərbçi var. Şrapnel və daş qəlpələrinin dəyib baş nahiyəsindən xəsarət alan jurnalistlər və digər yaralı yaxınlıqdakı xəstəxanaya çatdırılıb. Həkimlərin bildirdiyinə görə, Şevket Akça və Hasan Haşimin həyati təhlükəsi yoxdur.
