İsrail Nasser xəstəxanasına üç dəfə hücum edib

Görüntülərə görə, ilk hücum yerli vaxtla saat 10:08-də xəstəxananın xarici pilləkənlərinə dəyib və Reuters fotojurnalisti Hussam əl-Masri həlak olub. Saat 10:17-də baş verən ikinci və üçüncü hücumlar eyni pilləkənləri hədəf alaraq ən çox ölümə səbəb olub. Armament Research Services (ARES) eksperti N. R. Jenzen-Jones, mərmilərin İsrailin M339 tank sursatlarına uyğun olduğunu, zərərin isə iki tankın eyni vaxtda atəş açdığını göstərdiyini bildirib. Planet Labs-ın peyk görüntüləri xəstəxanadan 2 km şimal-şərqdə İsrail hərbi bazasında tankların olduğunu təsdiqləyib.

28 Avqust 2025 15:25

BAKI, AzerVoice, Nərmin Ağayeva

CNN-in əldə etdiyi yeni görüntülər, İsrailin Qəzzanın Xan Yunis şəhərindəki Nasser xəstəxanasına 25 avqust 2025-ci ildə iki deyil, üç ardıcıl hücum təşkil etdiyini ortaya qoyub.

AzerVoice xəbər verir ki, görüntülərə görə, ilk hücum yerli vaxtla saat 10:08-də xəstəxananın xarici pilləkənlərinə dəyib və Reuters fotojurnalisti Hussam əl-Masri həlak olub. Saat 10:17-də baş verən ikinci və üçüncü hücumlar eyni pilləkənləri hədəf alaraq ən çox ölümə səbəb olub. Armament Research Services (ARES) eksperti N. R. Jenzen-Jones, mərmilərin İsrailin M339 tank sursatlarına uyğun olduğunu, zərərin isə iki tankın eyni vaxtda atəş açdığını göstərdiyini bildirib. Planet Labs-ın peyk görüntüləri xəstəxanadan 2 km şimal-şərqdə İsrail hərbi bazasında tankların olduğunu təsdiqləyib.

Qeyd edək ki, hücumlarda 5 jurnalist və 5 tibb işçisi daxil olmaqla 22 nəfər həlak olub. İsrail ordusu hücumların Həmasa aid müşahidə kamerasını hədəf aldığını iddia etsə də, sübut təqdim etməyib və üçüncü hücumla bağlı sualları cavabsız qoyub. Hücumlarda həlak olan jurnalistlər arasında Hussam əl-Masri (Reuters), Mohamed Salame (Əl-Cəzirə), Məryəm Əbu Dekka, Moaz Abu Taha (NBC News) və Əhməd Əbu Əziz yer alıb.