BAKI, AzerVoice, Nailə Babazadə
7 oktyabr 2023-cü ildən bəri İsrailin Qəzza zolağına davam edən hücumlarında həyatını itirənlərin sayı 64 min 368-ə çatdı
AzerVoice xəbər verir ki,Qəzzadakı Səhiyyə Nazirliyinin yaydığı yazılı açıqlamada, İsrailin davam edən hücumlarında son 24 saatda baş verən can itkiləri və yaralanmalara dair məlumatlar paylaşılıb.
Bildirilib ki, son bir sutka ərzində Qəzza zolağındakı xəstəxanalara 68 meyit və 362 yaralı gətirilib.
İsrail ordusunun 19 yanvar tarixində əldə edilən atəşkəsi pozaraq 18 martdan bu yana həyata keçirdiyi hücumlarda ümumilikdə 11 min 828 fələstinli həyatını itirib, 50 min 326 nəfər isə yaralanıb.
Son 24 saat ərzində insani yardım növbəsində gözləyən fələstinlilərin hədəf alındığı hücumlarda isə 23 nəfər ölüb, 143 nəfər yaralanıb.
İsrail və ABŞ-ın yönləndirdiyi sözde “yardım bölgələrində” fələstinlilərin sistemli şəkildə hədəf alınması nəticəsində 27 maydan bu yana 2 min 385 nəfər öldürülüb, 17 min 577 nəfər isə yaralanıb.
Ümumilikdə, İsrailin 7 oktyabr 2023-cü ildən bu yana Qəzza zolağına qarşı həyata keçirdiyi hücumlarda həlak olanların sayı 64 min 368-ə, yaralıların sayı isə 162 min 367-yə yüksəlib.
Qəzza zolağında hələ də dağıntılar altında minlərlə meyitin olduğu bildirilir.
