BAKI,VOA, Fərid Mikayılov

Beynəlxalq Avtomobil Federasiyası və “Formula-1” rəhbərliyi bölgədəki vəziyyətlə əlaqədar olaraq aprel ayında keçirilməsi planlaşdırılan Bəhreyn və Səudiyyə Ərəbistanı Qran-pri yarışlarının baş tutmayacağını açıqlayıb.

VOA xəbər verir ki, əvvəlcə yarışların keçirilməsi üçün bir neçə alternativ variant nəzərdən keçirilsə də, sonda təhlükəsizlik riskləri səbəbindən həmin mərhələlərin təqvimdən çıxarılması qərara alınıb.

Planlaşdırmaya əsasən, Bəhreyn Qran-prisi 10–12 aprel tarixlərində, Səudiyyə Ərəbistanı mərhələsi isə 17–19 aprel tarixlərində keçirilməli idi.

Əvəzləyici mərhələnin tapılmaması səbəbindən çempionat təqvimində təxminən beş həftəlik fasilə yaranacaq. 27–29 mart tarixlərində keçiriləcək Yaponiya Qran-prisindən sonra növbəti yarışın 3 may tarixində ABŞ-ın Mayami şəhərində baş tutacağı gözlənilir.