BAKI,VOA, Nailə Babazadə
Livanın cənubundakı Mərcayun bölgəsində gərginlik artıb. Hizbullah qruplaşması Kantara qəsəbəsi yaxınlığında İsrail ordusuna məxsus iki döyüş tankına raket zərbələri endirdiyini iddia edib.
VOA xəbər verir ki, qruplaşmanın yaydığı rəsmi bəyanatda bölgə boyu ümumilikdə yeddi İsrail tankının hədəf alındığı qeyd olunur. İsrail ordusu hələlik bu iddialarla bağlı hər hansı rəsmi açıqlama verməyib.
Bu hadisə İsrail qüvvələrinin Livanın cənubunda başlatdığı quru əməliyyatından sonra baş verib. İsrailin Müdafiə naziri İsrail Kats daha əvvəl bildirmişdi ki, hərbi əməliyyatın əsas məqsədi Litani çayının cənubundakı əraziləri tamamilə nəzarət altına almaqdır.
