BAKI,VOA, Nailə Babazadə
Omanın rəsmi xəbər agentliyi ONA-nın verdiyi məlumata görə, ölkənin strateji əhəmiyyətli Salala limanı pilotsuz uçuş aparatları (PUA) tərəfindən hədəf alınıb. Təhlükəsizlik mənbələrinə istinadən yayılan xəbərdə liman ərazisinə 2 PUA-nın düşdüyü bildirilir.
VOA xəbər verir ki, hadisə nəticəsində limanda çalışan xarici işçilərdən birinin orta dərəcəli xəsarət aldığı, həmçinin liman qurğularına aid kranlardan birində məhdud həcmdə maddi ziyan yarandığı qeyd olunub.
Oman tərəfi bu hücumu "vəhşicəsinə" adlandıraraq kəskin şəkildə pisləyib. Rəsmi bəyanatda vurğulanıb ki, ölkənin təhlükəsizliyini və sakinlərin əmin-amanlığını qorumaq üçün bütün zəruri tədbirlər görüləcək. Hazırda hücumun hansı tərəfdən həyata keçirildiyi barədə araşdırmalar davam edir.
