DOHA,VOA
Qətərin dövlət enerji şirkəti "QatarEnergy", ona məxsus neft tankerinə raket hücumu edildiyini rəsmən təsdiqləyib.
VOA xəbər verir ki, şirkətin yaydığı bəyanatda bildirilir ki, "Aqua 1" xam neft tankeri bu gün sübh saatlarında Qətərin şimal ərazi sularında raket zərbələrinə məruz qalıb.
İnsident nəticəsində gəmi heyəti arasında xəsarət alan olmayıb. "QatarEnergy" həmçinin hücumun ətraf mühitə hər hansı mənfi təsir göstərmədiyini və dənizə neft sızmasının baş vermədiyini vurğulayıb.
Bu hadisə Qətərin strateji sularında enerji daşımalarına qarşı yönəlmiş birbaşa hərbi müdaxilə kimi qeydə alınıb.
