BAKI,VOA, Nailə Babazadə

İsrailin atəşkəs razılaşmasını pozaraq Qəzza zolağının mərkəzində, Megazi qaçqın düşərgəsinin şərqində toplaşan mülki şəxsləri hədəf alan hava hücumu nəticəsində 7 fələstinli həyatını itirib.

VOA xəbər verir ki, tibbi mənbələrdən alınan məlumata görə, Megazi qaçqın düşərgəsinin şərqindəki mülki kütləyə edilən hücumdan sonra həlak olan 7 fələstinlinin cənazəsi Deyr əl-Bəlahdakı Əqsa Şəhidləri xəstəxanasına gətirilib. Hücumla bağlı əlavə təfərrüat paylaşılmayıb.

İsrail ordusu demək olar ki, hər gün atəşkəs razılaşmasını pozaraq Qəzza zolağının müxtəlif bölgələrinə hücumlar təşkil edir. Qəzzada atəşkəsin qüvvəyə mindiyi 10 oktyabr 2025-ci ildən bəri İsrailin hücumlarında 723 nəfərin öldürüldüyü, 1990 nəfərin yaralandığı, dağıntılar altından isə 759 cənazənin çıxarıldığı qeyd edilmişdi. İsrailin 2023-cü ilin oktyabrından bəri Qəzza zolağına təşkil etdiyi hücumlarda ümumi can itkisinin 72 min 302-yə, yaralı sayının isə 172 min 90-a yüksəldiyi bildirilib.