BAKI,VOA, Fərid Mikayılov
2023-cü ilin oktyabr ayından etibarən Qəzzaya həyata keçirilən hücumlar nəticəsində həyatını itirənlərin sayı 72 min 345 nəfərə yüksəlib.
VOA xəbər verir ki, Qəzza Səhiyyə Nazirliyinin açıqlamasında son 24 saat ərzində xəstəxanalara 1 nəfərin meyitinin və 8 yaralının gətirildiyi bildirilib.
Qeyd olunub ki, 2025-ci ilin 10 oktyabr tarixində qüvvəyə minmiş atəşkəsdən sonra belə hücumlar nəticəsində 766 nəfər həyatını itirib, 2 min 147 nəfər isə yaralanıb.
Bildirilib ki, ümumilikdə yaralıların sayı 172 min 250 nəfərə çatıb.
Məlumata görə, dağıntılar altında hələ də minlərlə insanın qaldığı ehtimal edilir.
Qeyd edilib ki, bölgədə humanitar vəziyyət son dərəcə ağır olaraq qalır.
