BAKI,VOA, Orxan Qədirzadə
Küveyt ordusu ölkənin şimal bölgəsində yerləşən sərhəd məntəqələrinin pilotsuz uçuş aparatları ilə hədəfə alındığını açıqlayıb.
VOA xəbər verir ki, rəsmi məlumatda qeyd olunub ki, hadisə nəticəsində iki sərhəd mərkəzi İraq istiqamətindən buraxıldığı ehtimal edilən pilotsuz uçuş aparatlarının hücumuna məruz qalıb. Zərbə nəticəsində obyektlərə maddi ziyan dəydiyi bildirilib.
Küveyt Silahlı Qüvvələri hadisə ilə bağlı əlavə araşdırmaların aparıldığını və təhlükəsizlik tədbirlərinin gücləndirildiyini vurğulayıb. Hücum nəticəsində insan tələfatı barədə məlumat verilməyib.
Hadisə regionda təhlükəsizlik vəziyyəti ilə bağlı narahatlıqları artırıb və sərhəd təhlükəsizliyi məsələsini yenidən gündəmə gətirib.
