BAKI,VOA, Nailə Babazadə
Səudiyyə Ərəbistanı Xarici İşlər Nazirliyi qardaş Küveyt Dövlətinin İraq tərəfdən gələn pilotsuz uçuş aparatları (PUA) vasitəsilə şimal quru sərhəd məntəqələrinin hədəf alınmasını ən kəskin ifadələrlə pisləyən bəyanat yayıb.
VOA xəbər verir ki, rəsmi sənəddə Krallıq dövlətlərin suverenliyinin pozulmasını, regionun təhlükəsizlik və sabitliyinin təhdid edilməsini qəti şəkildə rədd etdiyini vurğulayıb. Səudiyyə Ərəbistanı İraq hökumətini Körfəz ölkələrinə qarşı yönələn bu cür təhdidlərlə bağlı məsuliyyətli davranmağa və lazımi tədbirlər görməyə çağırıb.
Bəyanatda həmçinin bildirilir ki, Səudiyyə Ərəbistanı qardaş Küveyt hökuməti və xalqı ilə tam həmrəy olduğunu bəyan edir. Krallıq Küveytin öz təhlükəsizliyini, sabitliyini və suverenliyini qorumaq üçün atacağı hər bir addımı tam şəkildə dəstəkləyir.
