Səudiyyə Ərəbistanı Ticarət Nazirliyi avqust ayı ərzində endirim qaydalarına riayət olunmasını yoxlamaq məqsədilə Krallıq üzrə bazarlarda, ticarət mərkəzlərində və pərakəndə satış məntəqələrində 20 mindən çox təftiş reydi təşkil edib.
ArabAZ xəbər verir ki, ölkə miqyasında aparılan bu genişmiqyaslı yoxlama kampaniyası avqustun əvvəlində başlayan və 31 oktyabr tarixinədək davam edəcək 2026-cı il kommersiya endirimləri mövsümü ilə üst-üstə düşür.
Müfəttiş qrupları ticarət obyektlərində endirim icazələrinin qüvvədə olma müddətini və onların görünən yerdə asılmasını, təsdiqlənmiş endirim faizlərinə riayət edilməsini, qiymətlərin yarlıqlarda və elektron oxuyucularda aydın əks olunmasını, habelə malların qaytarılması və dəyişdirilməsi qaydalarının istehlakçılara açıqlanmasını yoxlayıblar. Nazirlik istehlakçıları endirim icazələrinin həqiqiliyini yoxlamaq üçün nümayiş etdirilən rəsmi ştrix-kodu (barkod) skan etməyə, endirimin detalları, faizləri, müddəti və müəssisə haqqında məlumatlarla birbaşa tanış olmağa çağırıb.
