BAKI,VOA,Vüsalə Əzimzadə
Səudiyyə Ərəbistanının Qəsim bölgəsində “Mədrac” dəvə hərracı başlayıb.
Bu barədə VOA Səudiyyə Ərəbistanının SPA agentliyinə istinadən məlumat verir.
Qəsim bölgəsinin Şəri bələdiyyəsi tərəfindən təşkil olunan tədbir Qəsim qubernatoru şahzadə Faysal bin Mişaalın göstərişi ilə keçirilir. Hərrac 10 gün davam edəcək.
Tədbirdə dəvə satışları və hərraclarla yanaşı, yerli istehsalçılar üçün bölmələr, qonaqpərvərlik çadırı və iştirakçılarla ziyarətçilər üçün müxtəlif xidmətlər təqdim olunur.
Təşkilatçıların sözlərinə görə, hərracın məqsədi ənənəvi dəvə satışlarını inkişaf etdirərək onu iqtisadi, sosial və mədəni əhəmiyyət daşıyan kompleks tədbirə çevirməkdir.
