BAKI,VOA, Orxan Qədirzadə

Birləşmiş Ərəb Əmirlikləri regiondakı gərginlik fonunda vətəndaşlarının bəzi ölkələrə səfərinə məhdudiyyət tətbiq edib.

VOA xəbər verir ki, ölkənin Xarici İşlər Nazirliyi BƏƏ vətəndaşlarının İran İslam Respublikası, Livan Respublikası və İraq Respublikasına səfərinə qadağa qoyulduğunu açıqlayıb.

Nazirliyin bəyanatında qeyd olunub ki, qərar Yaxın Şərqdə davam edən müharibə və regional təhlükəsizlik riskləri ilə əlaqədar qəbul edilib. Bildirilib ki, son dövrlərdə İran tərəfindən regionda həyata keçirilən hücumlar, o cümlədən mülki və enerji infrastrukturuna yönəlmiş raket zərbələri təhlükəsizlik narahatlıqlarını artırıb.

Rəsmi məlumatda həmçinin qeyd olunub ki, hazırda sözügedən ölkələrdə olan BƏƏ vətəndaşlarına dərhal ölkəyə qayıtmaq tövsiyə olunub.

Analitiklər hesab edirlər ki, bu addım regionda təhlükəsizlik vəziyyətinin qeyri-sabit qalmasının göstəricisidir və Yaxın Şərqdə risklərin hələ də yüksək səviyyədə olduğunu təsdiqləyir.