BƏƏ İranın Küveytə raket və pilotsuz uçuş aparatları ilə hücumunu kəskin pisləyib
Birləşmiş Ərəb Əmirlikləri İranın Küveytə hücumunu ən sərt şəkildə pisləyib. BƏƏ Xarici İşlər Nazirliyi hücumda raketlərdən və pilotsuz uçuş aparatlarından istifadə edildiyini bildirib. Əbu-Dabi hadisəni Küveytə qarşı təcavüzkar hücum kimi qiymətləndirib. Nazirlik hücumun Küveytin suverenliyinin açıq şəkildə pozulması olduğunu vurğulayıb. İranın hərbi addımlarının ölkənin təhlükəsizliyinə birbaşa təhdid yaratdığı bildirilib. BƏƏ Küveytin sabitliyinin qorunmasının vacibliyini önə çəkib. Açıqlama bölgədə hərbi gərginliyin artdığı bir dövrdə verilib. İranın son hücumları Körfəz ölkələrinin Tehrana qarşı mövqeyinin daha da sərtləşməsinə səbəb olur.
BƏƏ İranın Bəhreyn, İordaniya və İraq Kürdüstanına hücumlarını pisləyib
Birləşmiş Ərəb Əmirlikləri İranın Bəhreyn, İordaniya və İraqın Kürdüstan bölgəsinə hücumlarını pisləyib. Əbu-Dabi İranın addımlarını “düşmən hücumları” kimi qiymətləndirib. BƏƏ Xarici İşlər Nazirliyi hücumların dövlətlərin suverenliyinin açıq şəkildə pozulması olduğunu bildirib. Əmirliklər hücuma məruz qalan ölkələrin təhlükəsizliyi və sabitliyinin qorunmasına dəstək ifadə edib. BƏƏ həmin ölkələrin öz təhlükəsizliklərini təmin etmək üçün gördükləri tədbirləri də dəstəklədiyini açıqlayıb. Bəyanat İranın bölgədə həyata keçirdiyi son hücumlardan sonra verilib. Son hadisələr Yaxın Şərqdə təhlükəsizliklə bağlı narahatlığı daha da artırıb. İranın hücumları Körfəz və digər ərəb ölkələrinin sərt reaksiyasına səbəb olub.
BƏƏ Hörmüz boğazında iki ADNOC gəmisinə hücumu sərt şəkildə pisləyib
Birləşmiş Ərəb Əmirlikləri (BƏƏ) Hörmüz boğazından keçən iki ADNOC gəmisinin İran tərəfindən hədəfə alınmasını sərt şəkildə pisləyib. BƏƏ Xarici İşlər Nazirliyi hücumun BMT Təhlükəsizlik Şurasının dəniz naviqasiyası azadlığının əhəmiyyətini təsdiqləyən və kommersiya gəmilərinin hədəfə alınmasını, eləcə də beynəlxalq dəniz marşrutlarının qarşısının alınmasını rədd edən 2817 saylı qətnaməsinin kobud şəkildə pozulması olduğunu bildirib.
BƏƏ Səudiyyə Ərəbistanının Nəcran bölgəsinə hücumu pisləyib
Birləşmiş Ərəb Əmirlikləri husilərin Səudiyyə Ərəbistanının Nəcran bölgəsinə hücumunu pisləyib. BƏƏ Xarici İşlər Nazirliyi hadisə ilə bağlı bəyanat yayıb. Nazirlik hücumu Səudiyyə Ərəbistanının suverenliyinin kobud şəkildə pozulması kimi qiymətləndirib. Hücumun krallığın təhlükəsizliyi və sabitliyi üçün təhdid yaratdığı vurğulanıb. BƏƏ Səudiyyə Ərəbistanı ilə həmrəy olduğunu bildirib. Əbu-Dabi krallığın təhlükəsizliyini qorumaq məqsədilə həyata keçirdiyi tədbirləri dəstəklədiyini açıqlayıb. Hücumun nəticələri barədə ətraflı məlumat verilməyib. Mümkün dağıntılar və xəsarət alanlarla bağlı da məlumat açıqlanmayıb.
İordan çayının qərb sahilində zorakılıq dərhal dayandırılmalıdır - BƏƏ
Birləşmiş Ərəb Əmirlikləri (BƏƏ) İsrailin İordan çayının qərb sahilində yerləşən Fələstin kəndlərinə qarşı həyata keçirdiyi hücumları qətiyyətlə pisləyib. BƏƏ Xarici İşlər Nazirliyinin yaydığı bəyanatda qeyd olunub ki, son hücumlar zamanı Tulkərm şəhərindəki məscidlərdən birinin yandırılması təxribat xarakterli addım, müsəlmanlara qarşı təhrik və ekstremizm aktıdır.
BƏƏ Əlcəzairdəki uşaq evində baş verən yanğınla bağlı başsağlığı verib
Birləşmiş Ərəb Əmirlikləri (BƏƏ) Əlcəzairin paytaxtı Əlcəzair şəhərinin şərqində yerləşən uşaq evində baş vermiş yanğın nəticəsində həlak olanlar və xəsarət alanlarla bağlı həmrəylik nümayiş etdirərək rəsmi başsağlığı verib. Bəyanatda faciə nəticəsində həyatını itirənlərin yaxınlarına səbir dilənib, xəsarət alanların isə tezliklə sağalması arzulanıb.
BƏƏ Küveyt konsulluğuna hücumları pislədi
Birləşmiş Ərəb Əmirlikləri (BƏƏ) İraqın Bəsrə şəhərində yerləşən Küveyt Baş Konsulluğuna qarşı davam edən hücumları qətiyyətlə pisləyib və diplomatik nümayəndəliklərin təhlükəsizliyinin təmin edilməsinin vacibliyini vurğulayıb. Nazirlik diplomatik nümayəndəliklərə, missiyalara və onların əməkdaşlarına beynəlxalq hüquq və normalara uyğun şəkildə qorunma təmin edilməsinin vacibliyini qeyd edib.
BƏƏ vətəndaşlarının İran, Livan və İraqa səfərinə qadağa qoydu
Birləşmiş Ərəb Əmirlikləri regiondakı gərginlik fonunda vətəndaşlarının bəzi ölkələrə səfərinə məhdudiyyət tətbiq edib. [lkənin Xarici İşlər Nazirliyi BƏƏ vətəndaşlarının İran İslam Respublikası, Livan Respublikası və İraq Respublikasına səfərinə qadağa qoyulduğunu açıqlayıb.
BƏƏ Türkiyənin mərkəzində məktəbdə baş verən atışmanı pisləyir
Birləşmiş Ərəb Əmirlikləri Türkiyənin mərkəzindəki məktəbdə baş verən və çoxsaylı ölüm və yaralanma ilə nəticələnən atışma hadisəsini qətiyyətlə pisləyib. Xarici İşlər Nazirliyi (XİN) verdiyi bəyanatda BƏƏ-nin bu cür cinayətkar əməlləri qətiyyətlə pislədiyini və təhlükəsizliyi və sabitliyi pozmağa yönəlmiş bütün zorakılıq və ekstremizm formalarını qəti şəkildə rədd etdiyini bir daha vurğulayıb.
BƏƏ Dəməşqdəki səfirliyinə edilən hücumu və vandalizm aktlarını ən kəskin şəkildə pisləyib
Birləşmiş Ərəb Əmirlikləri (BƏƏ) Suriyanın paytaxtı Dəməşqdəki səfirliyinə və missiya rəhbərinin iqamətgahına yönəlmiş iğtişaşları, vandalizm cəhdlərini və hücumları qətiyyətlə pisləyib. BƏƏ bu cür qəbulolunmaz hərəkətləri, o cümlədən milli rəmzlərinə qarşı yönəlmiş təhqirləri qəti şəkildə rədd etdiyini bəyan edib.
BƏƏ Netanyahunun Qətərə qarşı hədələrini qınayıb
Birləşmiş Ərəb Əmirlikləri (BƏƏ) İsrailin baş naziri Benyamin Netanyahunun Qətərə qarşı hədələyici bəyanatlarını kəskin şəkildə pisləyib. Bununla bağlı BƏƏ Xarici İşlər Nazirliyinin Strateji Kommunikasiyalar İdarəsinin direktoru Əfra əl-Hamli “X” sosial şəbəkəsində açıqlama yayıb. “Qardaş Qətər dövlətinin təhlükəsizliyi və sabitliyi, Körfəz Əməkdaşlıq Şurası (KƏŞ) ölkələrinin təhlükəsizliyi və sabitliyinin ayrılmaz hissəsidir. Hər hansı Körfəz ölkəsinə hücum, birgə körfəz təhlükəsizlik sisteminə hücum deməkdir”, - bəyanatda vurğulanıb
