BAKI,VOA, Fərid Mikayılov
Livan Prezidenti Cozef Aun İsrailin baş naziri Binyamin Netanyahu ilə mümkün görüşdən imtina edib.
VOA xəbər verir ki, Livan tərəfi belə bir görüşün ölkədə aparılan sabitlik səylərinə mənfi təsir göstərə biləcəyini əsas gətirib.
Bildirilib ki, Beyrut bu mövqeyini ABŞ tərəfinə çatdırıb və Vaşinqtonun da bu yanaşmanı müsbət qarşıladığı qeyd olunur.
Eyni zamanda, Livanın əsas məqsədinin İsraillə sülh sazişi imzalamaq deyil, sərhəd təhlükəsizliyi və ərazi bütövlüyünü təmin etmək olduğu vurğulanıb.
Qeyd edək ki, tərəflər arasında ABŞ vasitəçiliyi ilə aparılan danışıqlar davam edir və növbəti görüşlərin may ayının ortalarında keçirilməsi gözlənilir.
