BAKI,VOA Yusif Şərifzadə
İsrailin Livanda həyata keçirdiyi bir sıra hava və dron zərbələri nəticəsində 12 nəfər həyatını itirib. Ölənlər arasında uşaqların da olduğu bildirilir.
VOA xəbər verir ki, hücumlar əsas döyüş bölgəsindən kənarda, o cümlədən Beyrutdan təxminən 20 km cənubda yerləşən sahil magistralında üç dron zərbəsi ilə avtomobilləri hədəf alıb.
Səhiyyə Nazirliyinin verdiyi məlumatlara görə, bu zərbələr nəticəsində 8 nəfər, o cümlədən 2 uşaq həlak olub.
Digər bir hücum isə Sidon şəhəri yaxınlığında 1 nəfərin ölümünə səbəb olub. İsrailin Tirdəki (Tyre) üç ayrı nöqtəyə endirdiyi hava zərbələri zamanı isə daha üç nəfər ölüb.
