BAKI,VOA,Yusif Şərifzadə
İsrail ordusu Livanın cənubunda yerləşən Sur şəhərində Hizbullahın komanda mərkəzlərinə qarşı zərbələr endirdiyini açıqlayıb.
VOA xəbər verir ki, İsrail ordusunun Telegram platformasında yayımladığı məlumatda əməliyyatların Hizbullahın hərbi infrastrukturunu hədəf aldığı iddia olunub.
Açıqlamada qeyd edilir ki, əməliyyatlar bundan əvvəl yayımlanmış təxliyə əmrləri və təhlükəsizlik xəbərdarlıqlarından sonra həyata keçirilib.
Xatırladaq ki, İsrail ordusu hücumlardan əvvəl Sur şəhəri və ətraf yaşayış məntəqələrinin sakinlərinə bölgəni tərk etmələri ilə bağlı çağırış etmiş, onlardan Zəhrani çayının şimal istiqamətinə keçmələrini tələb etmişdi.
Son günlər Livanın cənubunda hava hücumlarının və qarşılıqlı hərbi fəaliyyətlərin intensivləşdiyi bildirilir. Tərəflərin əməliyyatlarla bağlı açıqlamaları isə müstəqil şəkildə tam təsdiqlənməyib.
Alternativ
