BAKI,VOA,Yusif Şərifzadə
İsrailin Livanın cənubundan tam çıxışı ABŞ-ın təzyiqindən asılı ola bilər.
VOA xəbər verir ki, bu barədə beynəlxalq ekspert Dan Perri Al Jazeera-yə açıqlama verib.
O bildirib ki, İsrailin razılaşmaya əməl etməsi üçün Vaşinqtonun “sərt mövqe” nümayiş etdirməsi lazım ola bilər.
Perri qeyd edib ki, İsrail Hizbullahın silahlı qalmasını təhlükə kimi görməyə davam edir.
Onun sözlərinə görə, bu səbəbdən İsrail sərhəd zonasında mövcudluğunu saxlamağa çalışa bilər.
Analitik ABŞ–İran danışıqlarında İranın təsir rıçaqları əldə etməyə çalışdığını da vurğulayıb.
O əlavə edib ki, bu proses İsrail daxilində narahatlıq yaradır və bəzi dairələr bunu “geri addım” kimi qiymətləndirir.
Perri Livan məsələsinin həm regional, həm də beynəlxalq güc balansına təsir etdiyini bildirib.
