BAKI,VOA,Yusif Şərifzadə
ABŞ Maliyyə Nazirliyi Livan rəsmilərinə və Hizbullahla əlaqəli olduğu iddia edilən şəxslərə qarşı yeni sanksiyalar elan edib.
VOA xəbər verir ki, bu barədə ABŞ Maliyyə Nazirliyinin Xarici Aktivlərə Nəzarət İdarəsi (OFAC) məlumat yayıb.
Məlumata görə, sanksiyalar “Alaa Hassan Hamieh” biznes şəbəkəsi ilə əlaqəli şəxsləri də əhatə edir.
ABŞ tərəfi həmin şəxslərin Hizbullahın maliyyələşdirilməsinə yardım etdiyini iddia edir.
Bildirilib ki, bu addım Livanda sülh prosesinin əngəllənməsi və Hizbullahın silahsızlaşdırılmasının gecikdirilməsi ilə bağlıdır.
Sanksiya siyahısına Livanla yanaşı Suriya, İraq və Omanda fəaliyyət göstərən şəxslər də daxil edilib.
ABŞ onların Hizbullah üçün maliyyə topladığı və “örtülü şirkətlər” vasitəsilə gəlir yaratdığını iddia edir.
