BAKI,VOA
Birləşmiş Ərəb Əmirlikləri İranın Bəhreyn Krallığı və Küveyt Dövlətini hədəf alan yenidən həyata keçirdiyi düşmən xarakterli raket və pilotsuz uçuş aparatı hücumlarını ən sərt şəkildə pisləyib.
Xarici İşlər Nazirliyinin yaydığı bəyanatda bildirilib ki, bu düşmən xarakterli hücumlar Bəhreyn Krallığı və Küveyt Dövlətinin suverenliyinin kobud şəkildə pozulması olmaqla yanaşı, onların təhlükəsizliyi və sabitliyi üçün ciddi təhdid yaradır.
Nazirlik Birləşmiş Ərəb Əmirliklərinin Bəhreyn Krallığı və Küveyt Dövləti ilə tam həmrəy olduğunu bir daha vurğulayıb və onların təhlükəsizliyinin və sabitliyinin qorunmasına yönəlmiş bütün tədbirlərə dəstəyini ifadə edib.
