BAKI,VOA,Yusif Şərifzadə
İsrailə məxsus pilotsuz uçuş aparatının Qəzza şəhərinin şimalında həyata keçirdiyi hücum nəticəsində azı 3 fələstinli həlak olub.
VOA xəbər verir ki, bu barədə Fələstinin WAFA agentliyi məlumat yayıb.
Məlumata görə, zərbə Əl-Hilu stansiyasının yaxınlığında endirilib. Həmin ərazidə özəl ixtisaslaşmış xəstəxana və yanacaqdoldurma məntəqəsi yerləşir.
WAFA-nın məlumatına əsasən, bu hücumdan sonra 2023-cü ilin oktyabrından bəri Qəzza zolağında İsrailin hərbi əməliyyatları nəticəsində həlak olanların sayı 73 069 nəfərə, yaralananların sayı isə 173 514 nəfərə çatıb.
