BAKI,VOA,Yusif Şərifzadə

Livan ordusunun komandanı, general Rudolf Heykal Böyük Britaniya və Pakistan nümayəndələri ilə ayrı-ayrılıqda görüş keçirib. Görüşlərdə təhlükəsizlik sahəsində əməkdaşlıq və ikitərəfli münasibətlərin inkişafı məsələləri müzakirə olunub.

VOA xəbər verir ki, general Rudolf Heykal Yarzə bölgəsində Böyük Britaniyanın beynəlxalq məsələlər üzrə milli təhlükəsizlik müşavirinin müavini Barbara Vudvordun rəhbərlik etdiyi nümayəndə heyətini qəbul edib. Görüşdə Böyük Britaniyanın Livandakı səfiri Hamiş Kouell də iştirak edib.

Məlumata görə, tərəflər Livan ordusunun rolu, çərçivə razılaşmasının həyata keçirilməsi istiqamətində görülən işlər və ölkənin üzləşdiyi çətinliklər fonunda silahlı qüvvələrə göstərilən dəstək məsələlərini müzakirə ediblər.

General Rudolf Heykal Pakistanın Livandakı səfiri Salman Əsəri də qəbul edib. Görüşdə komandanın Pakistana son səfərinin nəticələri və əldə olunan razılaşmaların həyata keçirilməsi istiqamətində görüləcək işlər ətrafında fikir mübadiləsi aparılıb.

Tərəflər hərbi əməkdaşlığın gələcək inkişaf perspektivlərini də nəzərdən keçiriblər.