BAKI,VOA,Yusif Şərifzadə
Bəhreyndə təhlükə xəbərdarlığı siqnalları yenidən səsləndirilib. Ölkənin Daxili İşlər Nazirliyi vətəndaşları və sakinləri sakitliyə çağıraraq təhlükəsiz yerlərə keçmələrini tövsiyə edib.
VOA xəbər verir ki, Bəhreyn Daxili İşlər Nazirliyinin açıqlamasında xəbərdarlıq siqnallarının işə salındığı bildirilib. Nazirlik əhaliyə təlaşa düşməmək və ən yaxın təhlükəsiz məkana getmək barədə çağırış edib.
Məlumata görə, bu gün ərzində Bəhreyndə xəbərdarlıq siqnalları ikinci dəfə səslənib. Bundan əvvəl də İranın Əl-Saxir hava limanında yerləşən və “pilotsuz uçuş aparatlarının texniki xidməti və təmiri üçün nəzərdə tutulan obyektlər” adlandırılan ərazilərə zərbə endirdiyi bildirildikdən sonra analoji xəbərdarlıq elan olunmuşdu.
Bəhreyn rəsmiləri hazırda vəziyyətlə bağlı əlavə məlumat verməyib. İran tərəfi isə son hadisələrlə bağlı hələlik rəsmi açıqlama yaymayıb.
Fars körfəzi bölgəsində artan hərbi gərginlik fonunda Bəhreyn və digər Körfəz ölkələri hava təhlükəsizliyi tədbirlərini gücləndiriblər.
