BAKI,VOA
Malta Prezidenti Miriam Spiteri Debono Prezident İlham Əliyevə təbrik məktubu ünvanlayıb.
VOA-nın məlumatına görə, təbrikdə deyilir:
"Zati-aliləri.
28 May - Azərbaycan Respublikasının Müstəqillik Günü münasibətilə Sizə və xalqınıza Malta xalqı adından səmimi təbriklərimi çatdırıram.
Diplomatik münasibətlərin qurulduğu vaxtdan etibarən Malta ilə Azərbaycan qarşılıqlı hörmətə və anlaşmaya əsaslanan dostluq əlaqələrini uğurla davam etdirirlər. Əminəm ki, ikitərəfli və çoxtərəfli əməkdaşlığımız gələcək illərdə daha da möhkəmlənəcəkdir.
Fürsətdən istifadə edərək, Sizə möhkəm cansağlığı və firavanlıq arzulayıram.
Zati-aliləri, Sizə olan ən yüksək ehtiramımı qəbul etməyinizi xahiş edirəm".
