BAKI,AzerVoice

İsrailin xarici işlər naziri Gideon Saar bildirib ki, İranın nüvə silahı əldə etməsinin qarşısını almaq üçün "hərbi seçim" lazım ola bilər. AzerVoice xəbər verir ki, o, İsrailin ABŞ prezidenti Donald Trampın Tehrana təzyiqləri artırmaqda köməyinə ümid etdiyini qeyd edib.

Nazir bu gün, çərşənbə günü yayımlanan açıqlamasında bildirib ki, İran kifayət qədər uran zənginləşdirib və bu, iki nüvə silahı istehsal etmək üçün yetərlidir.
"Çox vaxtımız qalmayıb."-deyə Saar bildirib.

O, İsrailin diplomatik yolla problemi həll etmək istədiyini vurğulasa da, belə bir yanaşmanın uğur şansının az olduğunu bildirib. Saar xəbərdarlıq edib ki, İranın nüvə proqramını dayandırmamaq "İsrailin təhlükəsizliyi üçün fəlakət" ola bilər.

Trampın prezidentliyi dövründə İranın nüvə proqramına qarşı mümkün hava zərbələri ilə bağlı suala cavab verən Saar: "Düşünürəm ki, İranın nüvə proqramını silah istehsalından əvvəl dayandırmaq üçün ciddi bir hərbi seçim masada olmalıdır."-deyib.