Bakı, AzerVoice

Almaniya, Suriyada hakim gücə çevrilmiş Heyət Təhrir Əl-Şam (HTŞ) qruplaşması ilə bu gün paytaxt Dəməşqdə görüş keçirəcəyini açıqlayıb.

AzerVoice xəbər verir ki, Almaniya Xarici İşlər Nazirliyi, alman diplomatlarının bu gün Dəməşqdə HTŞ nümayəndələri ilə Suriyadakı keçid prosesi və azlıqların müdafiəsi ilə bağlı ilk görüşlərini keçirəcəklərini bildirib.

Nazirlik sözçüsü, Berlinin Əl-Qaidə ideologiyasından qaynaqlanan HTŞ-ni yaxından izlədiyini vurğulayıb və "Dəməşqdə diplomatik varlıq yaratmaq imkanlarının da araşdırıldığını" əlavə edib.

Bundan əlavə, Britaniya Suriya üzrə xüsusi nümayəndəsi Ann Snow da HTŞ lideri ilə görüşüb. HTŞ-dən verilən açıqlamaya görə, Britaniya diplomatları ilə görüşdə son hadisələr müzakirə edilib. Britaniya Xarici İşlər Naziri Devid Lammi, ötən gün hökumətinin Suriyada Əsəd hökumətini devirmiş üsyançı Heyət Təhrir əl-Şam (HTŞ) qruplaşması ilə diplomatik əlaqədə olduğunu açıqlayıb.