Bakı, AzerVoice

ABŞ hökuməti dünən Meksikada bir milyard dollardan daha baha başa gələn yeni səfirliyini açıb.

AzerVoice xəbər verir ki, ABŞ səfiri Ken Salazar, bu yeni binanın, ABŞ-ın dünyada ən böyük səfirliyinin “ölkələr və xalqlar arasındakı unikal əlaqələri vurğuladığını” ifadə edib.

Hazırkı səfirlik Meksikanın paytaxtı Mexiko şəhərinin məşhur Paseo de la Reforma Bulvarında yerləşir və illər boyu yürüşlər və etirazlar ilə tanınır. Yeni səfirlik isə zəhərli maddələrdən geniş təmizləmə tələb edən keçmiş sənaye zonasında tikilib. Neo Polanco kimi tanınan bu ərazidə müasir muzeylər və Carlos Slim kimi dünyanın ən zəngin şəxslərinin investisiyaları ilə inkişaf etmiş digər yüksək səviyyəli obyektlər yerləşir.

Yeni bina hələ əhalinin istifadəsinə verilməyib və işlər davam etdiyi üçün gələn ilin sonuna qədər fəaliyyətə başlamayacağı gözlənilir.

Qeyd edək ki, bu mərasim Donald Trumpın gələn ay Ağ Evə qayıtması ərəfəsində keçiriləcək. Trump, Meksikaya qarşı sərt siyasət yürüdərək, kütləvi deportasiyalar həyata keçirəcəyini vəd etmişdi. O, həmçinin Meksikanı immiqrasiya və narkotik qaçaqmalçılığı məsələlərində daha ciddi addımlar atmağa çağırmış və buna əməl etmədiyi halda Meksikanı ağır tariflərlə cəzalandıracağı ilə hədələmişdi.