Bakı, AzerVoice
Katoliklərin ruhani lideri və Vatikanın prezidenti Papa Fransisk Sudandakı münaqişənin dünyada ən ciddi humanitar böhrana səbəb olduğunu bəyan edərək, tərəfləri hərbi əməliyyatlara son qoymağa və danışıqlar masasına oturmağa çağırıb.
AzerVoice-un məlumatına görə, Roma Papası iki ölkənin də xalqına yaxın olduğunu bildirib və onları qardaşlığa, həmrəyliyə inanmağa çağırıb.
“Köçkünlərə lazımi humanitar yardımın çatdırılması üçün mümkün olan hər şeyi etməyə və müharibə edən tərəflərin tezliklə sülh yolu tapmasına kömək etməyə çağırıram”- deyə Papa Fransisk bildirib.
Xatırladaq ki, Sudan ordusu ilə Çevik Dəstək Qüvvələri arasında 2023-cü ilin aprelində iki qüvvənin inteqrasiyası ilə bağlı mübahisələr səbəbilə başlayan müharibə on minlərlə insanın ölümünə, milyonlarla insanın evlərindən didərgin düşməsinə və əhalinin yarısını aclığa sürükləyib.
