Bakı,
AzerVoice
ABŞ Prezidenti Donald Tramp ölkə tarixində ən böyük deregulyasiya
kampaniyasına start verdiklərini açıqlayıb.
AzerVoice xəbər verir ki, Tramp, federal hökumətdə ciddi islahatlar apardıqlarını, yeni tənzimləmələrlə nəzarəti gücləndirdiklərini və dövlət aparatını kiçiltməyə fokuslandıqlarını bildirib.
Tramp, ABŞ-nin yenidən "gümrük vergisi ölkəsinə" çevriləcəyini və ticarət tərəfdaşlarına eyni səviyyədə gömrük rüsumları tətbiq ediləcəyini bildirib.
Tramp ABŞ qızıl ehtiyatlarının saxlandığı Fort Knox anbarı ilə bağlı da diqqətçəkən açıqlamalar verib.“Qızıl Fort Knox-da saxlanılır, elə deyilmi? O zaman qapıları açacağıq və həqiqətən orada qızıl olub-olmadığını görəcəyik. Orada 400 ton qızıl olduğunu deyirlər, bu çox böyük bir rəqəmdir. Biz həqiqətən ora gedib yoxlama aparacağıq." -deyə bildirib.
Çıxışının bir hissəsində Associated Press (AP) xəbər agentliyinə münasibət bildirən Tramp, onun "radikal solçu" olduğunu və rəsmi tədbirlərə buraxılmadığını açıqlayıb.səti
Tramp ABŞ-ın cənub sərhədində milli fövqəladə vəziyyət elan etdiyini, sərhəd təhlükəsizliyini təmin etmək üçün bölgəyə çox sayda hərbçi göndərildiyini vurğulayıb.
ABŞ-da inflyasiyanın azaldılması üçün əsas strategiyanın enerji qiymətlərini endirmək olduğunu vurğulayan Tramp, “Əgər enerji qiymətlərini aşağı salsaq, hər şey ucuzlaşar – yumurtadan pastırmaya qədər,” – deyə qeyd edib.
O, Joe Biden administrasiyası dövründə tətbiq edilən elektrik avtomobillərinə verilən subsidiyaların ləğvi ilə Amerika avtomobil sənayesini iflasdan xilas etdiklərini iddia edib.
Tramp, Kanada üçün yenidən "51-ci ştat olmaq məcburiyyətindədirlər" ifadəsini işlədib və Baş nazir Castin Trüdonun "Qubernator Trüdo" adlandırılmalı olduğunu bildirib.
O, həmçinin prezidentlik dövrünün əvvəlində imzaladığı fərmanla cinsiyyət dəyişənlərin qadın idman yarışlarında iştirakının qadağan edildiyini və onların ordudan uzaqlaşdırıldığını xatırladıb.
ABŞ təhsil sisteminin qlobal reytinqlərdə geri qaldığını vurğulayan Tramp, ölkənin adambaşına düşən təhsil xərcləri baxımından isə dünyada birinci yerdə olduğunu bildirib. O, Norveç, Danimarka, İsveç və Çinin ABŞ-dən daha yaxşı təhsil sisteminə sahib olduğunu və bu vəziyyətin dəyişdirilməsinin vacib olduğunu qeyd edib.
