BAKI,AzerVoice
ABŞ Prezidenti Donald Tramp Rusiya Prezidenti Vladimir Putinlə müzakirələrinin çox yaxşı və məhsuldar keçdiyini bildirib.
AzerVoice xəbər verir ki, Tramp sosial
media hesabında görüşlə bağlı paylaşım edərək Rusiya-Ukrayna
müharibəsinin sona çatma ehtimalının yüksək olduğunu
vurğulayıb.
O, hazırda minlərlə ukraynalı əsgərin Rusiya ordusu tərəfindən
mühasirəyə alındığını və ağır vəziyyətdə olduğunu qeyd edib. Tramp
Putindən ukraynalı əsgərlərə mərhəmət göstərməsini xahiş etdiyini
bildirib.
Ağ Evdən verilən açıqlamaya görə, iki lider arasında 2,5 saat davam edən telefon danışığında Rusiya-Ukrayna müharibəsində atəşkəsin təmin edilməsi və davamlı sülh üçün addımlar müzakirə edilib. Bəyanatda tərəflərin münaqişənin enerji və infrastruktur obyektlərinə hücumların dayandırılması ilə başlanmalı və texniki danışıqlarla tam atəşkəsə aparılmalı olduğu barədə razılığa gəldiyi bildirilib.
Bundan əlavə, Kreml də danışıqların konstruktiv keçdiyini və Ukrayna üzrə Rusiya-ABŞ ekspert qruplarının yaradılacağını açıqlayıb. Putin Trampın enerji infrastrukturlarına hücumların 30 gün ərzində dayandırılması təklifinə müsbət yanaşıb.
Qeyd edək ki, Rusiya-Ukrayna müharibəsinin başlamasından bəri ABŞ və Rusiya arasında yüksək səviyyəli danışıqlar nadir hallarda baş tutub. Bu son görüş müharibənin həlli üçün yeni ümidlər doğura bilər.
