BAKI, AzerVoice

Myanmada zəlzələ qurbanlarının xatirəsinə milli matəm elan edilib.

AzerVoice xəbər verir ki, Myanma hökuməti martın 31-dən aprelin 6-dək ölkədə milli matəm elan edib və zəlzələdə həlak olanların xatirəsinə bayraqlar yarıya endirilib.

Xilasetmə işləri davam edərkən, zəlzələdən ən çox zərər görən Mandalay şəhərində dağıntılar altından 60 saat sonra bir qadın sağ çıxarılıb.

Qeyd edək ki, Martın 28-də Myanmada baş verən 7,7 bal gücündə zəlzələ nəticəsində 2056 nəfər həyatını itirib, 3900 nəfər yaralanıb, 300-ə yaxın insan itkin düşüb. Lakin ağır dağıntılar nəzərə alındıqda tələfatın 10 mini keçə biləcəyi ehtimal edilir.

Zəlzələnin güclü hiss olunduğu Taylandın paytaxtı Banqkokda da itkilər var. Son məlumata görə, burada 17 nəfər ölüb, 32 nəfər yaralanıb, 83 nəfər isə itkin düşüb.