Bakı. AzerVoice:
Parisdə on minlərlə insan Qəzzaya dəstək yürüşü keçirib.
AzerVoice xəbər verir ki, nümayişçilər İsraili Qəzzaya hücumlarına son qoymağa çağırıb.
Fələstin tərəfdarları Fransanın bir çox şəhərlərində, o cümlədən Nitsa və Lionda küçələrə axışıb.
İsrailin mayın 26-da Rafahdakı köçkün fələstinlilərin düşərgəsini bombalamasından sonra Paris altı gündür Fələstinə dəstək nümayişlərinə şahidlik edir.
Parisin məşhur Respublika meydanına toplaşan on minlərlə fələstinli tərəfdarı şiddətli yağışa baxmayaraq Millət Meydanına doğru addımlayıb.
Nümayişçilər İsrailin Qəzzaya bir neçə aydır davam edən hücumlarına son qoyulmasını tələb ediblər.
Polis nümayişçilərə bibər qazı ilə müdaxilə edib.
Hafiz Rufizoğlu
