Bakı. AzerVoice:
Türkiyə Prezidentinin köməkçisi Cevdet Yılmaz Mərkəzi Bankın ümumi ehtiyatlarının 143,6 milyard dollara yüksələrək təxminən dörd ildən sonra ilk dəfə müsbət zonaya keçdiyini bildirib.
AzerVoice xəbər verir ki, Yılmaz sosial media hesabından etdiyi paylaşımda Türkiyənin maliyyə və makroiqtisadi sabitliyinin gücləndiyi bir vaxtda ehtiyatların da paralel şəkildə artdığını bildirib.
O həmçinin beynəlxalq maliyyə axınlarının sürətlənməsi, ixrac gəlirlərinin yüksəlməsi və yerli investorların xarici valyutaya olan tələblərinin azalması ilə Mərkəzi Bankın ehtiyat toplama prosesinin sürətləndiyini də qeyd edib.
