Bakı, VOA

Prezident Makronun qərarı ilə növbədənkənar seçkiyə gedən Fransada seçkilərin ilk turunda ifrat sağçı partiya önə çıxıb.

VOA xəbər verir ki, seçkilərdə son 40 ildə ən yüksək səviyyədə aktivlik müşahidə edilmişdir.

Belə ki, növbədənkənar parlament seçkilərinin birinci turu üçün 49,5 milyon seçici sandıq başına gedib.

Qeyd edək ki, Avropa Parlamenti seçkilərində ifrat sağçıların qələbəsindən sonra prezident Emmanuel Makronun parlamenti buraxmasından təxminən üç həftə sonra keçirilən növbədənkənar seçkilər ifrat sağın favorit kimi göstərildiyi bir atmosferdə baş tutub.

Seçki nəticələrinə görə, Milli Birlik Partiyası səsvermədə 34 faiz səslə birinci olub. Sol partiyaların ittifaqı 29 faiz səslə ikinci olub. Fransa prezidenti Emmanuel Makronu dəstəkləyən alyans isə 21 faizlə üçüncü yerdə qərarlaşıb.

Fransa mətbuatı prezident Emmanuel Makronun erkən seçki qərarı ilə əslində öz sonunu gətirdiyini bildirib.