Bakı, AzerVoice
Litva Rusiya ilə sərhədin möhkəmləndirilməsi üçün Avropa Komissiyasından (AK) vəsait ayırmasını xahiş edib.
AzerVoice xəbər verir ki, bu barədə Litvanın Daxili İşlər Nazirliyi məlumat yayıb.
"Rusiya ilə 275 kilometr sərhədin gücləndirilməsi bizim prioritetimizdir. Sərhədin monitorinqi üçün infrastrukturun modernləşdirilməsinə ehtiyac var", - deyə XİN rəhbəri Aqne Bilotayte bildirib.
Vilnüs 2030-cu ilədək sərhəd nəzarəti sistemlərinin yenilənməsi də daxil olmaqla AK-dan 13,7 milyon avro alacağını gözləyir.
"Biz bu mühüm məsələnin həllində Avropa Komissiyasının yardımına ümid edirik", - deyə Bilotayte vurğulayıb.
Qeyd edək ki, 2023-cü ildə Avropa İttifaqı Belarusla sərhəd boyu nəzarət sistemlərinin yenilənməsi üçün Litvaya 9,3 milyon avro ayırıb.
