Bakı, AzerVoice

Prezidentlioyə namizəd Doland Trampa olan sui-qəsd cəhdi bir daha sübut etdi ki, Amerikanın fövqəlgüc olduğu iddiası yalandır.

AzerVoice xəbər verir ki, bu haqda “Sədr Hərəkatının” lideri Müqtəda əs-Sədr bazar ertəsi günü X” platformasında yazıb. O qeyd edib ki, Fələstin və ümumilikdə Qəzzada yaşanan hadisələr Qərbin humanitar və sivil şüarlarının yalan olduğunu da ortaya qoyur.

“Bizim bu kiçik dünyamızda baş verən hər şeydən, xüsusən də Amerika Birləşmiş Ştatlarında hakimiyyət uğrunda mübarizədə baş verənlərdən dərs almalıyıq. Amerikan filmlərində Amerikanın fövqəldövlət, azadlığın carçısı və əsas dəstəkçisi olduğunu görə bilərsiniz. Həqiqətdə isə bu belə deyil” deyə o yazıb.

Qeyd edək ki, iyulun 14-də Respublikaçılar Partiyasından prezidentliyə namizəd Donald Tramp Pensilvaniya ştatının Butler şəhərində seçki mitinqində sui-qəsd cəhdinə məruz qalıb. Atışma nəticəsində bir nəfər ölüb, 2 nəfər yaralanıb. Sui-qəsdə cəhd edən 20 yaşlı Tomas Metyu Kruks zərərsizləşdirilib.