Bakı, AzerVoice
Ağ Ev sözçüsü Karine Jean-Pierre Qəzzada atəşkəs razılaşmasının əldə edilməsi üçün həftə sonuna qədər görüş keçiriləcəyini bildirib.
AzerVoice xəbər verir ki, bu barədə mətbuat katibi Jean-Pierre gündəlik mətbuat konfransında açıqlama verib.
O bildirib ki, rəsmilər atəşkəs razılaşmasına nail olmaq üçün "həftə sonundan əvvəl" Qahirədə görüşəcəklər.
Jean-Pierre mümkün razılaşmanın Qəzzə xalqı üçün rahatlıq gətirəcəyini və humanitar yardımın Qəzzaya çatacağını bildirib.
Razılaşmanın əldə edilməsi üçün çox çalışdıqlarını deyən Jean-Pierre, prezident Co Baydenin də bölgə liderləri ilə danışıqlar apardığını qeyd edib.
Xatırladaq ki, Qəzzada əsirlərin mübadiləsi və atəşkəsin əldə edilməsi məqsədilə avqustun 15-16-da Qətərin paytaxtı Dohada danışıqlar aparılıb.
Tərəflər atəşkəs danışıqlarını gələn həftə Misirin paytaxtı Qahirədə davam etdirəcəklərini bildirmişdilər.
