Bakı, AzerVoice

Beynəlxalq Cinayət Məhkəməsinin Baş Prokuroru Kərim Xan Netanyahu haqqında həbs qərarı verməsin deyə dünya liderlərinin təzyiqinə məruz qaldığını bildirib.

AzerVoice xəbər verir ki, o, bu barədə Kütləvi İnformasiya Vasitələrinə verdiyi müsahibədə deyib.

Xan Netanyahunun dosyesində mülki insanların ölümünə səbəb olmaq, birbaşa mülki əhalini hədəfə almaq kimi cinayətlərin olduğunu bildirib.

O, həmçinin qeyd edib ki, bu dosyedə onun da gördüyü sübutlar var.

Lakin o, qanuni proses zamanı bunların ictimaiyyətlə paylaşılmadığını bildirib.

İngiltərədəki Mühafizəkarlar Partiyası hökuməti də prokurorun İsrail liderlərinə qarşı həbs qərarı vermək hüququna malik olmadığını bildirib.

Qeyd edək ki, iyul ayında hakimiyyətə gələn İşçi Partiyası isə əvvəlki hökumətin etirazlarına əməl etməyəcəklərini demişdi.