BAKI, AzerVoice

Pakistan, Hindistanın aviaşirkətləri üçün hava məkanını bağlayır.

AzerVoice xəbər verir ki, bu qərar Pakistanın Milli Təhlükəsizlik Şurasının iclasında qəbul olunub.

Pakistan, həmçinin, Hindistanla sərhəddə yerləşən Vaqah nəzarət-buraxılış məntəqəsini də bağlayır.

“Pakistan Vaqah nəzarət-buraxılış məntəqəsi dərhal bağlamalıdır. Bu marşrut üzrə Hindistandan keçən bütün sərhəd tranziti istisnasız şəkildə dayandırılmalıdır. Etibarlı icazə sənədləri ilə sərhədi keçmiş şəxslər bu məntəqədən yalnız aprelin 30-na qədər geri dönə bilərlər. Pakistanın hava məkanı Hindistana məxsus və ya hindlərin idarə etdiyi bütün aviaşirkətlər üçün dərhal bağlanacaq,” – deyə, Təhlükəsizlik Şurası iclasından sonra verilən açıqlamada bildirilib.

Digər tərəfdən Hindistan hökuməti, Pakistan vətəndaşlarına vizaların verilməsini dərhal dayandırmaq və daha əvvəl verilmiş sənədləri aprelin 27-dən etibarən ləğv etmək qərarına gəldiyini bildirmişdi.