BAKI, AzerVoice
ABŞ prezidenti Donald Tramp prezidentlik müddətini tamamlayacağı tarixi açıqlayıb.
AzerVoice xəbər verir ki, Donald Tramp ikinci prezidentlik müddətinin sonunda vəzifəsini təhvil verəcəyini bəyan edib.
Tramp ABŞ mətbuatına verdiyi açıqlamada , “Səkkiz illik prezident, iki müddət prezident olacağam. Bunun həmişə çox vacib olduğunu düşünmüşəm”- deyə o bildirib. O, bu qərarın ABŞ-da tətbiq olunan iki müddətlik prezidentlik prinsipi ilə üst-üstə düşdüyünü vurğulayıb.
Tramp, bir şəxsin iki müddətdən artıq prezident ola bilməyəcəyinə dair qaydanın konstitusiyada yer alıb-almadığını isə dəqiq bilmədiyini söyləyib.
Qeyd edək ki, ABŞ Konstitusiyasının 22-ci düzəlişi bir şəxsin maksimum iki dəfə prezident seçilə biləcəyini təsbit edir.
