BAKI, AzerVoice
Hindistan və Pakistanın hərbi əməliyyatlara rəhbərlik edən komandirləri, iki ölkə arasında razılaşdırılmış atəşkəslə bağlı məsələni qaynar telefon xətti vasitəsilə müzakirə ediblər və danışıqları davam etdirmək barədə razılığa gəliblər.
AzerVoice xəbər verir ki, bu barədə Hindistan KIV-i məlumat yayıb.
Məlumata görə, telefon danışığı zamanı tərəflər beynəlxalq sərhəd və nəzarət xətti (LoC) üzrə atəşkəsin şərtlərini, eləcə də pilotsuz uçuş aparatlarının (PUA) fəaliyyəti ilə bağlı məsələləri ətraflı müzakirə ediblər.
Hər iki tərəf danışıqların gələcəkdə də davam etdirilməsində maraqlı olduqlarını bildirib. Danışıqların növbəti mərhələsinin tarixi yaxın günlərdə elan ediləcək.
