BAKI, AzerVoice
Rusiya və Ukrayna arasında aparılan danışıqların növbəti raundu Cenevrədə keçirilə bilər.
AzerVoice xəbər verir ki, bu barədə ABŞ prezidenti Donald Trampın Ukrayna üzrə xüsusi nümayəndəsi Kit Kelloq Fox News kanalına verdiyi müsahibədə bildirib.
Kelloq qeyd edib ki, Ukrayna və Rusiya ilə sənədlər üzərində işin tamamlanmasından sonra danışıqların yeni mərhələsi baş tutacaq və bu mərhələnin Cenevrədə keçirilməsi ehtimalı var. Onun sözlərinə görə, Rusiya növbəti raundun Vatikan şəhərində keçirilməsini qəbul etməyib.
“Düşünürəm ki, Cenevrə növbəti dayanacaq ola bilər. Burada üç ölkənin liderləri — ABŞ prezidenti Donald Tramp, Rusiya prezidenti Vladimir Putin və Ukrayna prezidenti Volodimir Zelenski iştirak edə bilər” – deyə, Kelloq bildirib.
O əlavə edib ki, ABŞ administrasiyası artıq Ukraynadan Rusiya ilə münaqişənin tənzimlənməsi üçün şərtlərin siyahısını alıb.
