BAKI, AzerVoice

Fransanın paytaxtı Parisdə azarkeşlər "PSJ"nin qələbəsini qeyd edən zaman təxribat baş verib.

AzerVoice-un məlumatına görə, "PSJ"nin Çempionlar Liqasını qazanmasının ardından azarkeşlər ölkə üzrə bu qələbəni qeyd edərkən küçələrə axışdı. Lakin bir qrup şəxs barrikadalar qurdu, avtomobilləri yandırdı və polisə hücum etdi.
Hadisə nəticəsində iki nəfər ölüb, 205 nəfər yaralanıb. Parisdə bir nəfər, Landes bölgəsində isə 17 yaşlı bir gənc bıçaqlanaraq öldürülüb.

Fransız mətbuatının verdiyi məlumata görə, polis 559 nəfəri həbs edib, onlardan 294 nəfəri saxlanılıb. Qrenobl şəhərində bir sürücünün avtomobilini idarəetmədən çıxararaq izdihamın üzərinə sürməsi nəticəsində dörd nəfər yaralanıb, onlardan iki nəfərin vəziyyəti ağırdır.

Polis əməkdaşlarının da hədəf alındığı hadisələrdə azı 9 polis yaralanıb və bir polis əməkdaşı komaya düşüb.