BAKI, AzerVoice

Tramp Türkiyədə Putin və Zelenski ilə görüşə biləcəyini açıqlayıb.

AzerVoice xəbər verir ki, ABŞ prezidenti Donald Trampın sözçüsü Karolin Leavitt onun Rusiya prezidenti Vladimir Putin və Ukrayna prezidenti Vladimir Zelenski ilə görüşmək üçün Türkiyəyə səfər etməyə açıq olduğunu bildirib.

Leavitt jurnalistlərə açıqlamasında Trampın belə bir görüşə hazır olduğunu, lakin hər iki tərəfin danışıqlara açıq şəkildə qatılmasının vacib olduğunu deyib.

Bu açıqlama Türkiyə prezidenti Rəcəb Tayyib Ərdoğanın Rusiya və Ukrayna nümayəndə heyətlərinin İstanbulda keçirilən son görüşündən sonra analoji səviyyədə bir zirvə görüşünün keçirilməsinə dair təklifini təkrarlamasından sonra verilib.

Qeyd edək ki, daha əvvəl də Türkiyə Ukrayna-Rusiya münaqişəsində vasitəçilik rolunu təşviq edərək, İstanbulda bir neçə mərhələ danışıqlara ev sahibliyi edib və sülh təşəbbüslərini dəstəklədiyini açıq şəkildə ifadə edib.