BAKI, AzerVoice
Rusiyadan dəyişdiriləcək məhbusların siyahısını hələ də almamışıq.
AzerVoice xəbər verir ki, Ukrayna
Prezidenti Vladimir Zelenski İstanbul danışıqlarında
razılaşdırılmış məhbus mübadiləsi çərçivəsində Rusiyadan hələ də
siyahı almadıqlarını açıqlayıb.
Prezident bu barədə sosial media hesabında paylaşım edərək son
hadisələri qiymətləndirib.
Zelenski bildirib ki, Rusiya ilə
razılaşdırılmış əsir və cəsədlərin dəyişdirilməsi prosesi üzrə
Müdafiə naziri Rustem Umerov və digər məsul şəxslərdən mütəmadi
məlumat alır.
“Təəssüf ki, İstanbulda razılaşdığımız mindən çox insanın siyahısı
hələ də bizə təqdim edilməyib”, – deyə o vurğulayıb.
Prezident bildirib ki, Ukrayna
mübadilə prosesinin davam etdirilməsi üçün bütün səyləri
göstərir.
“Əgər Rusiya belə humanitar məsələlərdə razılaşmalara əməl etməzsə,
bu, beynəlxalq ictimaiyyətin, xüsusilə ABŞ-ın diplomatik səylərinə
ciddi zərbə vuracaq.” - deyə o qeyd edib.
Zelenski həmçinin qeyd edib
ki, iyun ayında Haaqada keçiriləcək NATO sammiti və Kanadada
planlaşdırılan G7 görüşü ərəfəsində Moskva üzərində beynəlxalq
təzyiqlərin gücləndirilməsi vacibdir:
“Təzyiqləri artırmalı və sanksiyaları gücləndirməliyik”, – deyə o
bildirib.
