BAKI, AzerVoice
Nigeriyanın mərkəzində toy mərasiminə gedən avtobusa edilən hücum nəticəsində ölənlərin sayı artıb.
AzerVoice xəbər verir ki, bu barədə Nigeriya Prezident Aparatı məlumat yayıb.
Məlumata görə, hücum nəticəsində 12 nəfər həlak olub. Öldürülənlər arasında bəyin atası və qardaşı da var.
Nigeriya Prezidenti Bola Tinubu hücumu qəbuledilməz və vəhşi bir cinayət adlandıraraq kəskin şəkildə pisləyib.
Qeyd edək ki, son günlərdə bölgədə bir neçə qanlı hücum baş verdiyindən gərginlik daha da artıb. Şübhələrə görə, hücumların arxasında Fulani qəbiləsindən olan çobanlar dayanır və onların bölgədə onlarla insanı öldürdüyü iddia edilir.
