BAKI, AzerVoice
ABŞ Prezidenti Donald Tramp bu gün ərzində Suriyaya qarşı tətbiq edilən sanksiyaların yumşaldılmasına dair fərman imzalayacaq.
AzerVoice xəbər verir ki, bu barədə CBS telekanalı məlumat verib.
“Bu gün Tramp Suriyaya qarşı sanksiyaların yumşaldılması ilə bağlı fərman imzalayacaq” – deyə, məlumatda bildirilib.
Qeyd edək ki, Tramp mayın 4-də Səudiyyə Ərəbistanının paytaxtı Ər-Riyadda Suriya Prezidenti Əhməd əş-Şəraa ilə danışıqlar aparıb. Bu görüş son 25 ildə ABŞ və Suriya liderləri arasında ilk rəsmi görüş olub. Tramp görüşdən sonra bildirib ki, Vaşinqton, Hafiz Əsəd və oğlu Bəşşar Əsədin hakimiyyəti dövründə Dəməşqə qarşı onilliklər ərzində tətbiq olunmuş məhdudiyyətlərin ləğvinə başlayacaq.
