BAKI, AzerVoice
ABŞ-ın Nyu-Hempşir ştatından federal hakim Cozef LaPlant bildirib ki, ABŞ Prezident Donald Trampın doğumla vətəndaşlıq hüququnun ləğv olunmasına dair imzaladığı sərəncamına qarşı, bu sərəncamdan təsirlənəcək bütün uşaqları əhatə edən kollektiv iddianı qəbul edəcək və sərəncamın icrasını müvəqqəti olaraq dayandıran məhkəmə qadağası çıxaracaq.
AzerVoice xəbər verir ki, hakim bu qərarını bir saatlıq dinləmədən sonra elan edib və yazılı qərarın da yaxın zamanda təqdim olunacağını bildirib.
O, həmçinin qeyd edib ki, qərarda tərəflərə apellyasiya şikayəti vermək üçün yeddi günlük möhlət veriləcək.
